د فلسطینیانو د کوچولو او پر غزې د سلطې په باب دټرمپ څرګندونې ملنډې دي.
ایکنانیو ز د عربی ۲۱ چینل له قوله راپور راکړی،د غزې د خلکو د کوچولو او کډه په سر کولو په باب د امریکا د کرغیړن ولسمشر ډونالډټرمپ تکراري څرګندونو ته د مفلسطینیو مسئولانو او مبارزو ډلو ټپلو دغبرګون په دوام کې د حماس غورځنګ ویندوي عبداللطیف القانوع په یوې اعلامیې کې وئيلي دي ، له غزې تړانګې څخه د فلسطینیو خلکو د کډوالولو په باب د امریکائانو څرګندونې چې دمونږ د ملت په ضد ټرمپ خطرناکې څرګندونې ئې ترټولو وروستۍ مورد ؤ، د فلسطین د عادلانه آرمان دله مینځه وړلو لپاره د سپیرې هڅې په چوکاټ کې دي.
عبداللطیف القانوع دغه راز ووئيل، د فلسطین ملت چې تر پنځلسو میاشتو پورې د یوه ترټولو جنایتکار پوځ او د ترټولو قدرتمنو پوځي تجهیزاتو په مقابل کې کلک ودرید، هماغه شان خپل ټاتوبی ته پابنده دي او په هر هغه بیّه چې وي ، ددوي د کوچولو لپاره هیڅ ډول پلان او پروژه نه مني.
هغه زیاته کړې ده ، مونږ له نړیوالو هیوادونو او نړیوالې ټولنې غواړو چې د فلسطین دم لت د کډوالولو په باب د ټرمپ څرګندونې دې رد او محکومې کړي او د ف د خپل برخلیک د ټاکنې د حق او دغه راز د نیواکګرۍ د ختمولو لپاهر دې د فلسطینیانو د روا حقوقو ملاتړ وکړي.
همدرااز د فلسطین د حماس غورځنګ ویندوي حازم قاسم هم د امریکا د ولسمشر ډونالډټرمپ د تکراري څرګندونو په غبرګون کې وئیلی وو، د غزې د اوسیدونکو لپاره له دغه ځایه له وتلو برته بل هیڅ ټاکنه نشته ، ووئیل، مونږ له غزې د فلسطین د خلکو دکوچولو په باب د ټرمپ څرګندونې به سخته محکوم کوو.
هغه دغه راز وئيلی دي، دغزې تړانګې د بیارغولو بهیر د هغو د خلکو د کډه په سرکولو پرته هم ترسره کیدلی شی، نه داسې چې صهیونیسټي افراطیان ئې غواړي.
د حماس غورځنګ دغه مشر ووئيل د فلسطین ملت او د هغو ژوندی ځواک دعربی او اسلامی امت او د نړۍ د پتمنو په ملاتړ سره به د اجباري کوچولو او کډه په سر کولو ټول پلانونه ناکامه کړي.
https://iqna.ir/fa/news/4264206
